17:17 / 25.06.2024

Аёлларга 45 ёшдан кейин қоринни йўқотишга ёрдам берадиган 12 та табиий маҳсулот

^{Фото: Marie Claire}
Аёллар умри давомида турли гормонал ўзгаришларни бошидан кечиради ва уларнинг тана вазни ҳам ўзгариб туради. Айниқса, менопауза бошлангандан сўнг, тахминан, 45 ёшдан кейин содир бўладиган танадаги ўзгаришлар қорин қисмида кўпроқ ортиқча килограмм тўпланишига олиб келади.

Кексаликка қадам қўяётган аёллар одатда ёшлик даврига нисбатан камҳаракат бўлади. Шунинг учун спорт орқали вазн йўқотиш бу ёшга етиб мураккаблаша бошлайди. Қорин соҳасидаги ортиқча вазнни йўқотиш учун диетологлар кундалик овқатланиш тартибини созлашни ва айрим маҳсулотларни кўпроқ истеъмол қилишни тавсия этадилар.

Менопауза белгилари:
- иссиқликнинг қуйилиб келиши, бирдан исиб кетиш;
- тартибсиз ҳайз даври;
- атрофик вагинит;
- ўзгарувчан кайфият;
- когнитив ўзгаришлар;
- танадаги турли оғриқлар;
- уйқу бузилиши;
- тери қуруқлашиши;
- жинсий дисфункция;
- сочларнинг сийраклашиши;
- доимий чарчоқ ҳисси;
- юзда туклар пайдо бўлиши.

^{Фото: Marie Claire}
Менопауза даврида эстроген даражаси камая бошлайди ва қорин бўшлиғида виссерал ёғнинг тўпланишига олиб келади. Виссерал ёғлар ички органлар атрофидаги табиий ёғ тўқималаридир. Улар бир неча сабабларга кўра, жумладан, климакс туфайли ортиб кетади. Аммо фитоэстрогенларга бой парҳез вазиятни яхшилаши мумкин. Танангизда аввалги қулайлик ҳиссини тиклаш учун, биринчи навбатда, қуйидаги маҳсулотларни таомномага киритиш лозим:

- исмалоқ;
- нўхат;
- ловия;
- яшил сабзавотлар;
- ёнғоқлар;
- лакрица илдизи;
- қаҳва;
- қулмоқ (хмель);
- қизилмия илдизи;
- карам;
- соя.

^{Фото: Marie Claire}
Рационга фитоэстрогенларга бой маҳсулотларни киритиш учун углеводларни истеъмол қилишни камайтириш керак. Бунинг учун аввало шакар ва ширинликларга бўлган қарамликдан халос бўлиш лозим. Бундан ташқари, парҳезда етарли миқдорда ўсимлик толалари бўлишига ишонч ҳосил қилинг ва организмдаги эстроген, прогестерон ва бошқа гормонлар даражасини текшириш учун тиббий муассасаларга мурожаат қилинг.