Сутли қаҳва – ёқимли одат ёки соғлиқ учун хавф? Мутахассислар фикри қандай?

Дунё бўйлаб миллионлаб инсонлар ҳар куни эрталабни хушбўй латте ёки ёқимли капучино билан бошлайди. Бироқ кўпчилик шунчаки одатга айланган ушбу ичимлик соғлиқ учун фойдалими ёки хавфлими – деган саволни ўзига беравермайди. Келинг, бу масалани бироз чуқурроқ ўрганамиз.

Кальций ва қаҳва: улар бир-бирига мос келадими?

Кофе таркибида учрайдиган танин моддалари организм учун муҳим бўлган кальций моддасининг сўрилиш жараёнига таъсир кўрсатиши мумкин. Яъни, сутли қаҳва ичилганда кальций организм томонидан тўлиқ ўзлашмаслиги эҳтимолдан холи эмас.

Бироқ бу – қаҳва кальцийни бутунлай “йўқотади” дегани эмас. Аслида кальций сутдагина эмас. Қаттиқ пишлоқлар, сардина, фасоль ва кўкатлар ҳам унинг бой манбаи ҳисобланади. Агар кундалик овқатланиш рационингиз хилма-хил ва мувозанатли бўлса, сутли қаҳвадан келиши мумкин бўлган кальций йўқотишини осонликча қоплаш мумкин.

Ҳар нарсада бўлгани каби — энг муҳими меъёр

Соғлом организм етарли миқдорда кальцийни қабул қила олади. Кофе истеъмолида меъёрга риоя қилинса, ундан воз кечиш шарт эмас. Кун давомида 3–4 финжонгача сутли қаҳва ичиш организмига зарар етказмайди.

Кимлар эҳтиёт бўлиши лозим?

Агар сизда кальций етишмовчилиги ёки ҳазм тизимида муаммолар бўлса, ҳамда агар ҳомиладор бўлсангиз — сутли қаҳвани мунтазам истеъмол қилишдан аввал шифокор маслаҳатини олишингиз тавсия этилади.

Сутли қаҳвани соғлом одатга айлантириш мумкинми?

Албатта! Қуйидаги маслаҳатларга амал қилишни унутманг:

• Шакар қўшманг. Шакар фақат калория манбаи холос. Стевия, эритрит ёки табиий қаҳва таъми билан қониқишга ҳаракат қилинг.
  
• Қаҳвани эрталаб ёки куннинг биринчи ярмида ичинг. Бу уйқусизликдан сақланиш ва тетикликни таъминлашга ёрдам беради.
  
• Сифатли сут танланг. Органик ёки ўрта ёғли сутни истеъмол қилиш фойдали бўлади.
  
• Овқатдан кейин ичинг. Бу қаҳва таъсирини юмшатади ва ҳазм тизимига ортиқча юк туширмайди.
  
• Турли ичимликлар билан алмаштириб туринг. Сув, гиёҳванд чойлар, мевали настойлар ҳам кундалик рационада бўлиши керак.
  

Сутли қаҳва зарарли эмас. Агар соғлом турмуш тарзига амал қилсангиз ва тўғри овқатлансангиз — бу севимли ичимлик ҳаётингизнинг бир қисми бўлиши мумкин. Энг муҳими, меъёрни билинг ва тинглай билинг – организмингизни! «Замин»ни Telegram’да ўқинг!