Ҳафтасига 2 марта балиқ ейиш ҳаётингизни узайтиради

Тўғри овқатланиш ҳаёт сифатини яхшилайдиган муҳим омиллардан бири ҳисобланади. Илмий тадқиқотлар шуни кўрсатмоқдаки, ҳафтасига икки марта балиқ гўшти истеъмол қилиш инсон саломатлигига жиддий ижобий таъсир кўрсатади. Хусусан, юрак хасталиклари, депрессия, диабет ва бошқа кўплаб касалликларнинг олдини олишда балиқ муҳим роль ўйнайди.

Юракни муҳофаза қилади

Балиқда омега-3 ёғ кислоталари миқдори юқори бўлиб, улар юрак мушакларини мустаҳкамлайди. Мунтазам равишда балиқ истеъмол қилган кишиларда инфаркт ва инсульт хавфи анча камаяди. Ҳафтасига 2 порция балиқ еб юриш ўлим эҳтимолини 3 мартадан 1 мартагача камайтириши мумкин.

Қон босими ва холестеринни меъёрлаштиради

Балиқ инсон организмидаги зарарли холестеринни камайтиради ва яхши холестеринни оширади. Шу билан бирга, қон томирларини тозалайди ва қон босимини барқарор ҳолга келтиради. Бу эса инсульт ва гипертония каби касалликларнинг олдини олади.

Депрессия ва стрессга қарши курашади

Омега-3 кислоталари мия фаолиятига ижобий таъсир кўрсатади. Оқибатда инсон ўзида руҳий барқарорликни ҳис қилади. Мутахассислар фикрича, балиқни мунтазам истеъмол қилганларда депрессия хавфи бир неча баробар камаяди.

Кўз ва мия саломатлиги учун ажойиб манба

Балиқдаги фойдали моддалар, айниқса DHA моддаси, кўз учун фойдали ҳисобланади. Ёш ўтиши билан боғлиқ кўриш қобилиятининг сусайишига қарши курашишда балиқ муҳим озуқа ҳисобланади. Шунингдек, болаларда мия ривожланиши учун ҳам балиқ жуда фойдали.

Астма ва яллиғланишга қарши

Балиқ яллиғланиш жараёнларини пасайтиради. Астма касалига мойил болаларда балиқ истеъмоли бу касалликнинг ривожланишини тўхтатишда муҳим аҳамиятга эга. Шунингдек, артрит каби яллиғланишли касалликларда ҳам балиқ еб туриш самарали ҳисобланади.

Диабет ва метаболизм муаммоларига қарши

Балиқ қондаги қанд миқдорини меъёрлаштиришга ёрдам беради. Шу боис, диабетга мойил бўлган ёки метаболик синдром ташхиси қўйилган инсонлар учун балиқ жуда фойдали. У овқат ҳазм қилиш тизимини ҳам барқарор ҳолда ушлаб туради.

Хулоса ўрнида:
Соғлом турмуш тарзи учун ҳафтасига камида икки марта балиқ ейиш тавсия этилади. У нафақат ҳаётни узайтиради, балки кундалик фаолиятингизни самарали ва фаол қилади. Агар ҳали балиқни мунтазам рационга киритмаган бўлсангиз — айнан ҳозирдан бошлашнинг айни вақти! «Замин»ни Telegram’да ўқинг!