Микропластиклар кундалик ҳаётимизда кўплаб маҳсулот ва буюмларда учрайди. Улар ичимлик сувига, гўшт, балиқ, сабзавот ва тухумга ҳам ўтиб кетиши мумкин. Одам кўзи билан кўринмайди, лекин организмга тушиб, соғлиқ учун хавф туғдиради.
Тадқиқотлар пластик қадоқларда сақланган ёки қайта ишланган маҳсулотларда микропластиклар кўпроқ бўлишини кўрсатмоқда.
Пластик идиш-товоқлар ҳам микропластик манбаи ҳисобланади. Пластмасса товоқ ва тахтачалардан фойдаланиш овқатга майда бўлакчалар қўшиши мумкин. Мутахассислар шиша ёки металл идишлардан фойдаланишни маслаҳат беради.
Олимлар глобал даражада пластик чиқиндиларни камайтириш орқали муаммони сезиларли даражада енгиллаштириш мумкинлигини айтмоқда. Қайта ишланган овқатлардан воз кечиш, сувни фильтрдан ўтказиш ва эски пластмасса буюмларни алмаштириш энг самарали чоралар бўлиб қолмоқда.
«Замин»ни Telegram’да ўқинг!
