Патиссон – Ўзбекистон бозорларида камёброқ учраса-да, жуда фойдали сабзавот ҳисобланади. Унинг таркибида инсон саломатлиги учун зарур бўлган минераллар, витаминлар ва антиоксидантлар жуда кўп. Унинг 5 асосий фойдаси:
1. Юрак учун фойдали
Патиссон таркибидаги магний ва калий қон босимини барқарорлаштиради, юрак-қон томир тизими фаолиятини қувватлайди.
2. Асаб тизимини тинчлантиради
Витамин B гуруҳи ва фолий кислотаси асаб тизимини мустаҳкамлаб, стрессни камайтиради.
3. Асосий парҳез сабзавот
Патиссон калорияси паст бўлиб, вазн йўқотишни истаганлар учун жуда мос. У организмда ортиқча ёғ тўпланишини чеклайди.
4. Терини ёшартирувчи таъсир
Антиоксидантлар ва С витамини терининг таровати, чиройи ҳамда қаришга қарши таъсир кўрсатади.
5. Ички органларни тозалайди
Патиссон таркибидаги клетчатка ҳазм тизимини яхшилаб, организмни зарарли моддалардан тозалайди.
Хулоса қилиб айтганда, патиссонни ошхонамизда кўпроқ қўллаш нафақат мазали таом, балки соғлом ҳаёт учун ҳам катта қадамдир.
«Замин»ни Telegram’да ўқинг!
