Сиз учун нима зарарлироқ — шакарми ёки туз?

Бу икки модда ҳам организмда муҳим рол ўйнайди: масалан, шакар мияга қувват бағишлайди, туз эса — мушакларнинг нормал қисқаришини таъминлайди. Шу билан биргаликда уларнинг ошиқчаси организм учун сезиладиган даражадаги муаммоларни келтириб чиқариш хавфи мавжуд. Хўш, уларнинг қайси бири кўпроқ зарар келтиради?

Шакар

Шакарни сут таркибида ҳам, 100% табиий мева шарбатида ҳам учратиш мумкин, ундан ташқари фойдали моддалар: витаминлар, минераллар, оқсиллар (сутда) ва полифеноллар (шарбатда) бор. Лекин, шакарли чой ва газли сувда шакар ва калориядан бошқа фойдали моддалар йўқ. Шунинг учун, бундай шаклдаги егуликларни кўп ейиш семиришга ва фойдали моддалар етишмовчилигига олиб келади.

Шакар қандай шаклда бўлмасин, организмга бир хил таъсир кўрсатиш хусусиятига эга: қондаги шакар миқдорини ва инсулин ишлаб чиқарилишини оширади.

Туз

Туз организмга суюқлик миқдорини бошқариш учун керак бўлади. Соғлом одамлар учун тузнинг меъёрдаги миқдори хавфли эмас, ортиқчаси эса ёқимсиз оқибатларга олиб келиши мумкин. Мутахассислар катталар учун бир кунда 2,300 мг (бир чой қошиқ) туз истеъмол қилишни тавсия қилишади.

Туз 50 ёшдан ошган ва қон босими юқори бўлган кишиларга сезиларли даражада салбий таъсир кўрсатади.

Қайси бири зарарли?

Шакарни ҳам, тузни ҳам меъёрида истеъмол қилинса хавфли эмас. Лекин, агар уларни ўзаро солиштирса, шакарнинг организмга салбий таъсири кўпроқ. Шунингдек, туз унинг нормал фаолият кўрсатишида жуда зарур ҳисобланади, шакар эса — йўқ.

Шифокорлар фикрича, шакар тузнинг салбий таъсирини кучайтириш хусусиятига эга: шакар таъсирида қондаги инсулин миқдори қанча юқори бўлса, буйракда шунча кўп туз ва сув йиғилади. Бу эса қон босими кўтарилишига олиб келади.

Манба: «Дарё» “Замин” янгиликларини “Telegram”да кузатиб боринг