Муваффақиятга эришишда ақл ва меҳнатсеварлик бизга ёрдам берадиган ягона омиллар эмас. Агар сиз бор кучингиз билан ҳаракат қилсангиз ҳам истаганингизга эриша олмаган бўлсангиз, балки бунга қуйидаги сабаблардан баъзилари айбдор бўлиши мумкин.
1. Сиз янги танишлар орттирмайсиз
Эски танишлар билан мулоқот қилиш осон. Бир-бирингизни анчадан бери танийсиз, сизларнинг умумий хотираларингиз, қувончли воқеалар ва ҳазилларингиз кўп. Муаммо шундаки, эски мавзуларни қайта-қайта муҳокама қилиш билан сиз ўтмишингиз билан яшайсиз. Ва бу сизга бирор-бир янги нарсани билишга йўл қўймайди.
Агар сизга янги одамлар билан танишиш қийин бўлса, оз-оздан бошланг. Ҳар ҳафта нотаниш одамлар билан суҳбатлашишга ҳаракат қилинг. Кейин бу сизни унчалик қўрқитмайдиган бўлади.
2. Сиз ўзгаришлардан қочасиз
Вақт ўтса ҳам сизнинг атрофингиздагилар ўзгармаса, бирон бир янги нарсаларга кўникиш қийинлаша бошлайди. Ўзгаришлар эса — бу янги имкониятлар ва истиқболлар ҳисобланади. Шунинг учун ўзгаришлардан қочиш ўрнига улардан фойдаланишга ҳаракат қилинг. Очиқ ва қизиқувчан бўлинг.
3. Сиз таваккал қилишдан қўрқасиз
Кўпинча ақлли одамлар қулайлик доирасидан чиқишга қўрқади, чунки улар учун у ерда ҳамма нарса таниш ва хавфсиз. Улар бошқалар босиб ўтган йўллардан юради ва уларнинг муҳитида оммабоп бўлган касбни танлайди. Оқибатда кўпчилик бажараётган ишлари ўзларини қониқтирмаслигини тан олади. Улар ҳар доим орзу қилиб келган ишлари билан шуғулланишдан қўрқади.
Агар сиз бирон бир қарорни қабул қилишга иккиланаётган бўлсангиз, бу келажагингизга қандай таъсир қилишини тасаввур қилиб кўринг. Бу имкониятни қўлдан бой берсангиз пушаймон бўласизми?
4. Сиз қарор қабул қилишни билмайсиз
Ақл ва меҳнатсеварлик кўп эшикларни очади. Афсуски, баъзан имкониятларнинг кўплиги танлашни қийинлаштиради. Бу ўзингизга мос келадиган вариантни топишга чексиз равишда уриниб кўришга ва яхшисини қўлдан бой беришдан қўрқишга олиб келади. Баъзилар олийгоҳни битирганидан 10 йил ўтгандан кейин ҳам нима билан шуғулланишни хоҳлаётганларини ўзлари ҳам билмайди.
Муҳим қарор қабул қилишдан олдин, сизни қизиқтираётган соҳа фаолияти билан яхши таниш бўлганлар билан маслаҳатлашинг. Ўз ишининг усталари ҳисобланадиганлар билан гаплашинг, керакли мавзудаги мақолалар ёки китобларни ўқиб кўринг.
Манба: «Дарё» «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Яхши пишган ва мазали анор танлашга ёрдам берадиган тавсиялар
Эрдўғон Туркия Исроил билан алоқаларини узганини маълум қилди
Дональд Трамп 27 ёшли Каролин Левиттни Оқ уй матбуот котиби этиб тайинламоқчи
АҚШ ҳарбийлари орасида ўз жонига қасд қилиш кўпайди
Жо Байден: “Баъзан хотиним мени космосга жўнатиш билан таҳдид қилади”
Блинкен Исроилдан учта муаммони ҳал этишни талаб қилди
Ҳар қандай катта ёшдаги киши етук эмас
Пашинян Арманистоннинг Мустақиллик декларацияни энг катта муаммо ва фожиа деб атади
