Фото: «Hotgeo»
Одамларнинг миясига кузда ҳар қандай киши албатта шамоллаб қолади, ёзда эса мева-сабзавотлардан инфекция юқтириб олиш осон деган фикр ўрнашиб қолган. Бироқ айрим одатлардан воз кечиб, кўпгина касалликларнинг олдини олиш хаёлга ҳам келмайди, деб ёзади «Xabar.uz».
Одам жамоат транспортидан фойдаланганда беихтиёр кафти билан тутқич, суянчиқдаги микробларни тўплайди. Шундан сўнг у шу қўли билан юзини, оғзини ушлайди. Тоза қўл қоидаси болаликдан барчага уқтириб келинса-да, уни ҳамма ҳам бажаравермайди.
Шуни таъкидлаш керакки, метро вагонлари, автобуслар ҳар куни тозаланса-да, микробларни юқтириб олиш эҳтимоли барибир юқори бўлиб қолаверади.
Бу жамоат ҳожатхоналари, банкоматлар, катта-катта идоралардаги эшикларга ҳам тааллуқли. Қўлдаги микроблар сонини камайтириш учун уларни тез-тез ювиб туриш керак.
Шунингдек, ҳаво-томчи йўли орқали тарқалувчи касалликларни ҳам эътиборсиз қолдириш ярамайди. Ишхонада ҳамкасбингиз шамоллаганидан шикоят қилса, ундан касалликнинг юқиш хавфи юқорилигини унутмаслик зарур. Аммо бу ҳамкасб билан гаплашмаслик кераклигини англатмайди.
Фақат сал узоқлашсангиз ва мулоқотдан сўнг қўлларни ювсангиз бас. Шифокорлар шунчаки оқар сувга қўлларни тутиб туриш кифоя қилмаслигини, чунки микробларнинг бир қисми терида қолиб кетишини таъкидлашади.
Қўлни яхшилаб ювиб, сўнг чайиш талаб этилади. Бактериялардан тўлиқ қутулиш учун қўл ювишга камида йигирма сония вақт ажратиш керак.
Британиялик олимларнинг таъкидлашича, одам соатига 16 марта юзини: қаншар, лаб, бурнини ушлайди. Бундай вазиятда вируслар қўлдан оғиз ва бурун шиллиқ қаватларига ўтиб кетади. Шу билан бирга, юзни ушлайвериш терини ёғлантириб юборади.
Касаллик юқтириб олмайин десангиз, қўлларни юзга камроқ олиб боринг. Бемор аксирганда оғзини қўли билан ёпиш тавсия этилмайди. Чунки бактериялар кафтларга ўрнашиб олиб, сўнгра оғизга тушиши мумкин. Бундан ташқари, кафтларда юқумли микроблар бўлганда улар умумий фойдаланиш буюмлари орқали бошқа одамларга тарқалади. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Организмда қайси турдаги витамин етишмаётганини қандай аниқлаш мумкин?
Грецияда минглаб одамлар НАТОга қарши намойиш ўтказди
Ўзбекистонда онкологик касалликка чалинган аёллар бепул даволанади
Словакия бош вазири Путиннинг таклифини қабул қилди
Эрдўғон: “Туркия Ғазо можароси тугамагунча Фаластинни қўллаб-қувватлайди”
Бош кийимсиз юришнинг организмга қандай таъсири бор?
Энди «Доимий яшаш жойига рўйхатга қўйиш» қулайлашди (видео)
Медведев Россия НАТО ҳарбий базаларига зарба йўллаши мумкинлигини истисно қилмади
