23:45 / 30.08.2020
3 236

Қайси маҳсулотлар иммунитетни «ўлдириши» маълум қилинди

Қайси маҳсулотлар иммунитетни «ўлдириши» маълум қилинди
Айрим озиқ-овқат маҳсулотлари иммунитетни пасайтириши мумкин. Бу ҳақда парҳезшунос ва дерматокосметолог Ирина Лизун маълум қилди.

Фото: Pixabay
Шифокорнинг сўзларига кўра, инсон иммунитетининг асосий душманларидан бири — шакар ва трансёғлардир.
«Шакарни керагидан ортиқ истеъмол қилиш микрофлорани ўзгартириши мумкин, ахир у организмнинг иммун реакцияларини боғлаб туради. Трансёғлар, масалан, маҳсулотларни битта ёғда бир неча марта қовурганда, ўсимлик ёғлари ҳайвон ёғига ўхшаш бир нарсага айланганида пайдо бўлади. Масалан, маргарин сариёғга ўхшайди. Трансёғлар ярим тайёр маҳсулотларда кўп, улар иммунитет функциясига салбий таъсир қилади», — дея изоҳ берди шифокор.

Бундан ташқари, таъм кучайтиргичлар, таъм ва ранг берувчилар иммунитет тизими учун фойдасиздир.
«Озиқ-овқат маҳсулотидаги ранг берувчининг ўзи салбий таъсир кўрсатолмайди. Аммо одам овқатни доим ранг берувчилар, таъм берувчилар билан истеъмол қилса, уларнинг умумий таъсири салбий бўлиши мумкин», — деб огоҳлантирди диетолог.

Шунингдек, ёғлар ва углеводларга бой бир хил таомлар ҳам иммунитет учун хавфлидир.
«Энг катта минус — бу бўш калорияли озиқ-овқат. Биз одатий табиий овқатларни турли хил кўринишда истеъмол қилсак, ўз-ўзидан биз иммунитет тизимимиз учун зарур бўлган витаминлар, микроэлементлар, антиоксидантлар, моддаларнинг барча турларини оламиз. Агар одамнинг кунлик таомномасида фақат картошка, макарон, гўшт ва бодринг бўлса, автоматик равишда витаминлар, микроэлементлар ва антиоксидантлар етишмаслиги вужудга келади. Худди шу ҳолат фастфудда ҳам рўй беради. Ҳар қандай етишмовчилик иммунитет тизими учун таҳликали бўлади», — деди Лизун.

Хулоса тариқасида, диетолог таомномадан фастфуд ва ярим тайёр маҳсулотларни чиқариб ташлашга чақирди.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Ҳаёт учун » Қайси маҳсулотлар иммунитетни «ўлдириши» маълум қилинди