Қаҳва ёки чой: нонуштага қай бири маъқул?

Тўғри нонушта – кун давомида яхши кайфият, қувват ва энг асосийси мустаҳкам иммунитет гарови.

Идеал нонуштада қандай ичимликни ичиш саломатлик учун кўпроқ фойдали бўлади? Шифокор- парҳезшунос, эндокринолог Мария Навицкая бу борада ўз тавсияларини келтириб ўтди. Бу ҳақда Sputnik Беларусь маълум қилди.

Шифокорнинг айтишича, нонушта вақтида бир финжон қаҳва ичиш зарарли эмас. Сўнгги тадқиқотларга кўра, эрувчан эмас, балки табиий янчилган қаҳвани меъёрда истеъмол қилиш ҳеч қандай қон босими ошиши ёки юрак-қон томир касалликларининг бошқа турларига олиб келмайди.

Албатта, ушбу тетиклантирувчи ичимликни истеъмол қилиш учун яхшилаб нонушта қилиш зарур. Чунки, оч қоринга ичилган қаҳва ошқозон шиллиқ қаватини шикастлантириш мумкин. Кўк чой билан ҳам шундай эҳтиёт бўлиш зарур.

“Фақат шакар чой ёки қаҳва билан нонушта қилиш умуман мумкин эмас. Чунки алдамчи тўқлик ва тетиклик ҳисси тез ўтиб кетади ва бундан сўнг қувват йўқолади”, - дейди Мария Навицкая. «Замин»ни Telegram’да ўқинг!