Тошкентда ҳам, жаҳондаги каби, олтин нархлари тез суръатда юқорилашда давом этяпти. Душанба куни ички бозорда қимматбаҳо металл навбатдаги тарихий чўққига чиқди — бу 2025 йил бошидан бери қайд этилган 49-рекорд. Марказий банк эълон қилган маълумотлар бозор ҳали ҳам барқарор “кўтарилиш чизиғи”да кетayotganини кўрсатмоқда. Бу ҳақда upl.uz хабар беради.
Регулятор котировкаларига кўра, ҳозир 1 грамм олтин 1 792 240 сўмга баҳоланяпти. Жума кунги кўрсаткич билан солиштирганда ўсиш 0,09%ни ташкил этди. Узоқ муддатли жамғарма сифатида қуймага қизиқayotganлар учун 5 грамм олтин энди 8,961 млн сўм туради. Эътиборлиси, нархлар кетма-кет беш кун давомида рекорд янгилаб келмоқда, бироқ 26 декабрдан буён ўсиш суръати бироз суслашгани сезиляпти. Йиллик кесимда эса манзара янада таъсирли: сўмда олтин қиймати 12 ойда 58,3%га ошган.
Жаҳон бозорида эса ўтган ҳафтадаги кучли “ралли”дан кейин ҳозирча мўътадил тузатиш кузатилмоқда. Тунда халқаро савдоларда троя унсияси $4540 даражасидан қисқа муддатга ошиб ўтди, ҳозир эса $4515 атрофида барқарорлашган — бу тахминан 1 грамм учун $145,16 дегани. Мутахассислар бундай тебранишларни АҚШ доллари динамикаси билан боғламоқда: инвесторлар АҚШдан инфляция ва меҳнат бозори бўйича декабр ҳамда йил якунга доир статистикани кутяпти.
Айнан шу рақамлар Федерал резерв тизими учун кейинги пул-кредит сиёсатини белгилашда муҳим омил бўлади. Бу масала амалдаги президент Доналд Трамп маъмуриятининг иқтисодий ташаббуслари фонида янада долзарброқ кўриниш олмоқда.
Ўрта муддатли прогнозлар ижобий: Zaner Metals вице-президенти Питер Грант 2026 йил давомида троя унсияси $5 минглик психологик чегарадан ошиб кетиши мумкинлигини айтмоқда. Бироқ у юқори нархлар йирик институционал ўйинчиларни фойдани “фиксация” қилишга ундаши, бу эса қисқа муддатли техник пасайишларни келтириб чиқариши мумкинлигидан огоҳлантирди.
Эслатиб ўтамиз, Марказий банк аҳолига олтин активларига чиқиш имконини бериш бўйича тизимли ишларни 2018 йилдан бошлаган — ўшанда илк эсдалик тангалар савдога чиқарилганди. 2020 йилдан эса қатор ўлчовли қуймалар билан кенгайтирилди. Амалдаги тартибларга кўра, белгиланган регламентларга риоя қилган ҳолда жисмоний шахслар бу бойликларни мамлакатдан олиб чиқиши ҳам мумкин.
Стратегиянинг асосий мақсади — фуқаролар жамғармасини диверсификация қилиш ва миллий иқтисодиётнинг хорижий валюта курслари тебранишларига сезгирлигини босқичма-босқич камайтириш. Мутахассислар фикрича, олтин инфляциядан ҳимоя қилувчи ишончли актив сифатида капитални асрашга хизмат қилади.
Танга ва қуймаларни сотиб олиш-сотиш жараёнлари тижорат банклари инфратузилмаси орқали амалга оширилади, нархлар эса ҳар куни янгиланади. Жорий қийматлар регуляторнинг расмий сайти ҳамда махсус Telegram-бот орқали ҳам эълон қилиб борилади.
Савдо статистикаси талаб юқорилигини тасдиқлайди: йил бошидан сентябр ўрталарича Марказий банк 380 кг олтин сотган, харидорлар сони эса 17,3 мингдан ошган. Қизиқ томони, бу кўрсаткич йил тўлиқ якунланмаган бўлса-да, 2024 йил бўйича умумий натижадан 61%га юқори.
Ўзбекистон олтин қазиб олиш бўйича дунёнинг етакчи ўнталигига киради. Навоий вилоятидаги Мурунтау карьери очиқ усулда қазиб олинадиган энг йирик конлардан бири саналади — унинг кўлами шу қадар улканки, ҳатто космосдан ҳам кўринади.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
