Ўзбекистонда Исломий шартлар асосида кредит олиш имконияти пайдо бўлди

Халқаро ислом савдо-молия корпорацияси (ITFC) Ўзбекистондаги Asia Alliance Bank билан савдо-сотиқни ислом банкинги қоидаларининг муробаха принципи асосида кредитлаш учун юз миллион доллар ажратиш тўғрисидаги шартномани имзолади.

ITFC матбуот хизматининг билдиришича, бу ислом банкинги бўйича Ўзбекистон билан имзоланган энг биринчи шартнома бўлди. Ажратилган пул кичик ва ўрта ширкатларга кредит сифатида берилиши мўлжалланган.

Исломда устама фоизга қарз бериш тақиқланади. Шунинг учун кўпчилик мусулмон давлатларида маиший мақсадлар учун муробаха принципи асосида қарз берилади.

Бунда банк мижоз танлаган товарни ўзи сотиб олади ва мижозга ойма-ой узиб юбориш шарти билан қимматроқ нархга сотади.

Май ойида президент Мирзиёев мамалакатда ислом банкинги принципларини жорий этиш юзасидан таклифларни ишлаб чиқиш учун ишчи гуруҳи ташкил этиш тўғрисидаги қарорни имзолаган эди.

Янгиликлар