АҚШнинг CETS компанияси бош директори Жанина Патрик бошчилигидаги делегация Ўзбекистон Республикаси Қишлоқ хўжалиги вазирлигида бўлиб ўтган учрашувда Ўзбекистонда юқори сифатли картошка уруғини етиштириш технологиясини жорий этиш бўйича таклиф билдирди. Бу ҳақда вазирлик Матбуот хизматига таяниб Кун нашри хабар бермоқда.
Президент Шавкат Мирзиёевнинг 15-18 май кунлари АҚШга қилган расмий ташрифи чоғида Қишлоқ хўжалиги вазирлиги ва Американинг CETS компанияси ўртасида ҳамкорлик меморандуми имзоланганди. Меморандумда кўзда тутилган ҳамкорлик истиқболларини муҳокама қилиши мақсадида CETS компанияси бош директори Жанина Патрик бошчилигидаги делегация Ўзбекистонга ташриф буюрган.
«Биз таклиф этаётган технологиянинг афзаллик томони шундаки, у ортиқча шарт-шароит талаб қилмайди. Махсус фототронларда етиштириладиган картошка уруғлари серҳосиллиги билан ажралиб туради. Биз юртингизга бир кунга келганимиз йўқ. Бугун технологиямиз сотиб, шу билан қайтиб кетиш ниятида эмас. Ўзбекистон билан узоқ ҳамкорлик қилишни ўз олдимизга мақсад қилиб қўйганмиз», - дейди компания бош директори Жанина Патрик хоним.
Шунингдек, учрашувда меҳмонлар билан кадрлар малакасини ошириш бўйича айрим масалалар муҳокама қилинган.
Қишлоқ хўжалиги вазирлиги Инвестицияларни жалб этиш ва уларни мониторинггини юритиш бошқармаси бошлиғи Абдумалик Намозов «иккинчи нон» ҳисобланган картошка уруғи айни пайтда кўп миқдорда хориждан импорт қилинаётгани, бу борадаги самарали ҳамкорлик Ўзбекистонни картошка уруғига бўлган эҳтиёжларини қондириши йўлида ташланган қадам бўлишини таъкидлади.
Эслатиб ўтамиз, Диний эркинликларни илгари суриш масалаларига бағишланган вазирлар конференциясида иштирок этиш учун Вашингтон шаҳрига келган Ўзбекистон Республикаси делегацияси АҚШ Конгресси Вакиллар палатаси аъзоси Трент Келли билан учрашгани ҳақида хабар берилганди.
Конгрессмен Ўзбекистон ва АҚШ, жумладан ўзи сайланган Миссисипи штати ўртасида қишлоқ хўжалиги соҳасида яқин ҳамкорликни йўлга қўйишга кўмаклашишга тайёрлигини билдирганди. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Туркия Курдистон ишчи партиясига алоқадор 43 нафар террорчини йўқ қилди
Суперлига. "Навбаҳор" ўз майдонида "Локомотив"ни йирик ҳисобда мағлуб этди
Сауль Альварес: "У ўз жангчисига тупуриб қўйган!"
Осиё кубоги финал учрашуви: Бугун “оқ бўрилар” япон “самурайлари”га қарши майдонга тушади
Заргарлик дўконидан 49 млн сўмлик тилла буюмларни ўғирлаб кетган 12 ёшли бола ушланди
Ироқ қаршилик кучлари Исроил пойтахтига ҳаво ҳужуми уюштирди
Президент АҚШ, Хитой ва Европанинг етакчи компаниялари раҳбарларини қабул қилди
Тимур Кападзе Японияга қарши кечган финалдан сўнг нималар деди?
