22:50 / 17.03.2021
1 253

ДСҚ қандай ҳолда «обнал фирма»лар мансабдорлари маъмурий ва жиноий жавобгарликка тортилмаслигини маълум қилди

ДСҚ қандай ҳолда «обнал фирма»лар мансабдорлари маъмурий ва жиноий жавобгарликка тортилмаслигини маълум қилди
Фото: ДСҚ матбуот хизмати
Давлат солиқ қўмитаси Ўзбекистонда яна 53 та «обнал фирма»ни аниқлагани ҳақида хабар берилган эди.

Қўмита матбуот хизматининг маълум қилишича, ушбу «шубҳали» корхоналар билан ҳамкорлик қилган компанияларнинг 1733 таси томонидан асоссиз ҳисобга олинган қўшилган қиймат солиғи (ҚҚС) суммаси 87,3 миллиард сўмни ташкил этган ва бунга тузатиш киритилади. Бу ҳақда уларнинг шахсий кабинетларига тегишли хабарномалар юборилган.

Шунингдек, асоссиз ҳисобга олинган ҚҚС суммаси бўйича 1 майгача қайта ҳисобот ихтиёрий топширилган тақдирда, мазкур корхоналар мансабдор шахслари маъмурий ва жиноий жавобгарликка тортилмаслиги маълум қилинган.

«Таҳлика-таҳлил» автоматлаштирилган тизими натижаларига кўра, «шубҳали» корхоналарнинг айрим контрагентларида солиқ аудити ўтказилиши мумкинлиги ҳам билдирилган.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Иқтисодиёт » ДСҚ қандай ҳолда «обнал фирма»лар мансабдорлари маъмурий ва жиноий жавобгарликка тортилмаслигини маълум қилди