Манчестер Сити 115 та молиявий қоидабузарликда айбдор деб топилди

1 дақиқа ўқиш109
Манчестер Сити 115 та молиявий қоидабузарликда айбдор деб топилди
ҚисқачаAI ёрдамида тайёрланганКўрсатиш
  • Англия Премер-лигаси Манчестер Сити клубини молиявий қоидабузарлик бўйича 115 та бандда айбдор деб топди.
  • Клубга нисбатан жарималар, очколардан маҳрум этиш, трансфер тақиқи ва ҳатто Премер-лигадан четлатиш каби жиддий жазоларнинг қўлланилиши мумкинлиги ҳақида тахминлар мавжуд.
  • Баъзи журналистлар энг ёмон ҳолатда клубни бешинчи дивизионга тушириш ёки инглиз профессионал футболидан бутунлай четлатиш имкониятини ҳам кўриб чиқмоқда.

Англия футболида мисли кўрилмаган жиддий воқеа юз берди. Сешанба куни расмий баёнот эълон қилган Англия Премер-лигаси ўн карра чемпион Манчестер Сити клубини молиявий қоидалар бўйича жами 115 та бандда айбдор деб топди. Ушбу қарор бутун инглиз футбол жамоатчилигида катта акс-садо бериб, клубнинг келажаги ҳақидаги савол ва тахминларни кун тартибининг асосий мавзусига айлантирди. Бу ҳақда Goal.com хабар беради.

Ҳозирги пайтда экспертлар ва мухлисларни энг кўп қизиқтираётган масала — «шаҳарликлар»га қандай жазо тайинланиши мумкинлигидир. Мумкин бўлган оқибатлар жуда жиддий бўлиб, уларга улкан миқдордаги жарималар, турнир жадвалида очколардан маҳрум этиш, трансферларга тақиқ қўйиш ва ҳатто Премер-лигадан четлатиш киради.

Энг оғир сценарийлар ва қуйи лигага тушиб кетиш хавфи

Bild нашри хабар қилишича, англиялик таниқли журналист Бен Джейкобс энг ёмон ҳолатда клубни бешинчи дивизионга — инглиз профессионал футболи тизимидан ташқарига тушириб юбориш мумкинлиги ҳақидаги тахминларни келтириб ўтган. Гарчи бу мутахассислар томонидан амалда имконсиздек кўринса-да, вазиятнинг жиддийлиги клуб бошига қора булутлар уюрилаётганини кўрсатади.

Талкспорт интернет-сайти ва радиостанцияси ҳам айнан шу хавотирли серсенарийни илгари сурди. Уларнинг маълумотига кўра, Премер-лигадан пастдаги учта профессионал дивизионни бошқарадиган Англия футбол лигаси (ЭФЛ) Премер-лига билан ҳамкорлик қилишга тайёр турибди. Энг кескин чораларга қўл урилса, Манчестер Сити нафақат Премер-лигадан, балки ЭФЛнинг барча дивизионларидан четлатилиши ва клуб инглиз профессионал футболидан бутунлай йўқолиб қолиши мумкин.

Премер-лига қандай жазо талаб қилмоқда?

Журналист Бен Джейкобснинг сўзларига кўра, Премер-лига раҳбарияти Манчестер Ситига нисбатан жуда қаттиқ ва мисли кўрилмаган даражада кўп очколарни олиб ташлаш ҳамда клубни қуйи дивизионга пастлатиш чораларини қўллашни талаб қилмоқда. Ҳозирча якуний қарор қабул қилинмаган бўлса-да, бу каби кескин чоралар нафақат жамоанинг мавсумдаги натижаларига, балки бутун инглиз футболи иқтисодиёти ва рейтингига ҳам жиддий таъсир кўрсатиши аниқ.

Клубга нисбатан чиқарилган мазкур ҳукм Англия футболида молиявий фаир-плай қоидаларига қанчалик қатъий риоя қилиниши кераклигини кўрсатувчи муҳим синов бўлиб хизмат қилмоқда. Тергов натижалари ва келгусидаги интизомий чоралар қандай якун топиши бутун дунё футбол жамоатчилигининг диққат марказида қолмоқда.

Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?