Ўзбекистонда гиламларни маркировкалаш бошланади

^{Фото: «РБК»}
Ўзбекистонда гиламларни мажбурий маркиловкалаш жорий этилади. Бу ҳақда «РБК» хабар берди.

Ҳар бир минтақада гилам ишлаб чиқариш ва бўяшнинг ўзига хос усуллари мавжуд ва бу қимматли экспорт маҳсулоти бўлиб, уни кўпинча сохталаштиришга ҳаракат қилишади.

«CRPT Turon» кузатув кенгаши раиси Андрей Кирилловнинг маълум қилишича, ҳукумат ўз олдига учта янги маҳсулот – шиналар, автомобиль эҳтиёт қисмлари ва гиламларда маркировкалаш тизимини жорий этиш имкониятлари ва муддатларини ишлаб чиқиш вазифасини қўйган.

- Республика вакилларининг фикрича, бу соҳаларда қалбакилаштириш даражаси юқори. Айниқса, гилам ишлаб чиқариш соҳаси муҳим – бу, муболағасиз, миллий бойлик: ҳар бир ҳудуднинг ўзига хос ишлаб чиқариш ва бўяш усуллари мавжуд, — дея тушунтирди Кириллов.

Гиламлар дунёнинг турли мамлакатларига экспорт қилинмоқда, шунинг учун бу бозорни тартибга солиш масаласи ниҳоятда долзарбдир.

Ўтган йили тамаки, пиво ва алкоголли маҳсулотларни маркировкалаш йўлга қўйилган эди. 15 апрелдан – маиший техника ёрлиқланишидан буён Ўзбекистон МДҲ давлатлари орасида биринчи бўлиб ушбу товарлар гуруҳини маркалашни йўлга қўйди.

Дори воситалари ва ичимликларни маркировкалаш ишга тушириш босқичида (мажбурий равишда 1 сентябрдан бошлаб). Ичимлик ва минерал сув кузда, шарбатлар ва барча газланган ичимликлар эса келаси йилнинг ёзида этикеткага киритилади.

Ўзбекистонда 2019 йил август ойида маҳсулотларни маркировкалаш тизимини босқичма-босқич жорий этиш тасдиқланган. Лойиҳа оператори сифатида «CRPT Turon» МЧЖ танланган эди.

Унинг асосчиси, қарор матнида кўрсатилганидек, Россиядаги маркировкалаш тизимининг оператори — Илғор технологияларни ривожлантириш маркази (CRPT).

Асосий эгаси USM Алишер Усмонов (50 фоизи), яна 25 фоиз улуш Россия давлат корпорацияси Rostec ва Аlmaz Capital бошқарувчи ҳамкори Александр Галицкийга тегишли. «Замин» янгиликларини «Вконтакти»да кузатиб боринг