Тошкентга «Уюшган халқаро молия маркази» мақоми берилди

GFCI Халқаро молия марказлари глобал индекси Тошкентга «Уюшган халқаро молия маркази» мақомини берди. Бу ҳақда Стратегик ислоҳотлар агентлиги ахборот хизмати маълум қилди.

^{Фото: Стратегик ислоҳотлар агентлиги ахборот хизмати}
GFCI рейтинги халқаро молия марказларининг рақобатбардошлигини қуйидаги йўналишлар бўйича баҳолайди:

• молия бозори;
  
• бизнес-муҳит;
  
• инсон капитали, инфратузилма;
  
• обрў.

Рейтинг тузувчи ташкилотнинг молиявий-инвестицион ҳамжамияти – З/Ен Group 30 минг нафар молия сектори вакилларини, дунёнинг 138 та мамлакатидан 5 мингта халқаро корпорацияни ўз ичига олади.

Республика пойтахтининг индексга киритилиши халқаро инвесторлар ва бизнес вакиллари томонидан инвестицион қарорларни қабул қилишда Ўзбекистонни капитал киритиш учун юрисдиксия сифатида танлашда рағбатлантиради.