Тошкентда алимент бўйича янги рекорд ўрнатилди

Тошкент шаҳрида алимент миқдори бўйича янги рекорд ўрнатилди, деб uznews.uz хабар берди. Яшнобод туманида яшовчи эркак қарийб бир ёшли ўғли учун олдиндан 1 миллиард 780 миллион сўм тўлади. Бу сумма боланинг вояга етгунигача ҳисоблаб чиқилган.

Бюро мажбурий ижро бўлими маълумотига кўра, мазкур тўлов ҳозиргача фуқаро томонидан амалга оширилган энг йирик алимент ҳисобланади.

Эслатиб ўтамиз, бундан аввалги рекорд 2023 йил сентябрида Тошкент вилоятида ўрнатилган бўлиб, у пайтда аёл киши 3, 4 ва 6 ёшли уч нафар фарзанди учун собиқ турмуш ўртоғига 1 миллиард 748 миллион 902 минг сўм тўлаган эди. «Замин»ни Telegram’да ўқинг!