Олмалиқда аёл психотроп дори сотмоқчи бўлди

Тошкент вилоятининг Олмалиқ шаҳрида аёл киши ноқонуний равишда психотроп препаратлар савдоси билан шуғуллангани фош этилди, деб хабар берди Тошкент вилояти ИИББ матбуот хизмати.

Маълум қилинишича, ички ишлар органлари ходимлари томонидан 1994 йилда туғилган аёл жиноий фаолияти пайтида қўлга олинган. У 99 дона психотроп дори воситасини 300 АҚШ доллари ва 900 минг сўмга сотаётган вақтда ушланган. Шунингдек, унга ёрдам берган, 2003 йилда туғилган бошқа шахс ҳам қўлга олинган бўлиб, унинг ёнидан 6 дона психотроп дори воситаси топилган.

Мазкур ҳолат юзасидан жиноят иши қўзғатилган ва ҳозирда тергов ҳаракатлари олиб борилмоқда. «Замин»ни Telegram’да ўқинг!