Машина ўғирлашда гумонланган судья ИИБ биносида қийноққа солингани айтилди

2 дақиқа ўқиш2.3K
Машина ўғирлашда гумонланган судья ИИБ биносида қийноққа солингани айтилди
Кеча, 2025 йилнинг 21 апрель куни ижтимоий тармоқларда Тошкент шаҳридаги кафеларнинг биридан маст ҳолда чиққан Миробод туман суди судьяси Рустам Раҳмонов машина ўғирлаганликда гумонланаётгани ҳақида хабар берилган эди. “Дарё”нинг ҳуқуқни муҳофаза қилувчи органларда ишловчи, Раҳмоновга яқин инсонлардан бири воқеа содир бўлган куни судья Яшнобод туман ИИБ биносига олиб кетилганини ва бир кун ушлаб турилганини маълум қилди.

Ўша куни Рустамнинг судьялигини билмаган ИИБ ходимлари унинг хатти-ҳаракатидан сўнг, унга қўл ҳам кўтаришган. Судья Раҳмонов қаршилик қилганми ёки йўқми билмайман. Шу сабаб ИИБ ходимлари ҳам судьялигини билгач, тезда излаб келганларга қўшиб юборган, дейди манба.

“Дарё” журналисти ушбу воқеага аниқлик киритиш мақсадида Ички ишлар вазирлиги ахборот хизмати раҳбар Шоҳрух Ғиёсов билан боғланди ва судьянинг ИИБ биносида қанча вақт ушлаб турилгани билан қизиқди.

Вазирлик масъули судьянинг Яшнобод туман ИИБ биносида бир кун сақлаб турилганини инкор этди. “Тасдиғини топмаган”, деди Ғиёсов жавобини қисқа қилар экан.

Ички ишлар вазирлиги масъули шунингдек, журналистнинг “машина олиб қочган судья иши билан боғлиқ жараён айни пайтда қайси босқичда?”, дея берилган саволига бу саволга Тошкент шаҳар Ички ишлар бош бошқармаси ахборот хизмати расмий жавоб қайтаришини қўшимча қилди.

Пойтахт ИИББ ахборот хизмати раҳбари Нилуфар Мадиева бу ҳақдаги расмий ахборотни сўраган журналист саволига “Бундан хабарим юк. Материал бизда эмас”, дея жавоб қайтарди.

Воқеа тафсилоти

2025 йилнинг 21 апрель куни ижтимоий тармоқларда Тошкент шаҳридаги кафеларнинг биридан маст ҳолда чиққан судья машина ўғирлаганликда гумонланаётгани ҳақида хабарлар тарқалди.
Машина ўғирлашда гумонланган судья ИИБ биносида қийноққа солингани айтилди
Фото: Skinsҳот
Ушбу хабарга муносабат билдирган Судьялар олий кенгаши гап ким ҳақида кетаётганига қисман аниқлик киритди.

Судьялар одоби кодекси талабларидан келиб чиқиб, Тошкент шаҳар жиноят ишлари бўйича Миробод туман суди судьясининг хизматдан ташқари вақтдаги хатти-ҳаракатлари юзасидан хизмат текшируви ўтказилмоқда. Ижтимоий тармоқлардаги шу мавзуга доир хабарларда тилга олинаётган ҳолатларга хизмат текшируви жараёнида аниқлик киритилади ва якуни бўйича лозим чоралар кўрилиши таъминланади, дейилади кенгаш баёнотида.
Машина ўғирлашда гумонланган судья ИИБ биносида қийноққа солингани айтилди
Фото: Skinsҳот
“Kun.uz” сайти ўз манбаларига таяниб, ҳуқуқбузарликда гумонланаётган судья Миробод туман суди судьяси лавозимида бўлишининг навбатдаги 10 йиллик муддатига тайинланган Рустам Раҳмонов эканини аниқлаштирди.
Машина ўғирлашда гумонланган судья ИИБ биносида қийноққа солингани айтилди
Рустам Раҳмонов судьялар махсус кийимида.
Фото: Видеодан кадр

“Дарё” судья Рустам Раҳмонов билан ҳам боғланишга уринди. Судья телефон қўнғироқларига жавоб бермади. Қолаверса, Telegram орқали йўлланган саволларни ҳам очиқ қолдирди.

Маълумот учун: Жиноят кодексининг 267-моддасига кўра, автомобиль ўғирлаган шахслар 20 йилгача озодликдан маҳрум қилиш билан жазоланиши мумкин.
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?