51
2025 йил 8–10 июн кунлари Словакия Республикаси Бош вазири Роберт Фицо Президент Шавкат Мирзиёевнинг таклифига биноан Ўзбекистонга расмий ташриф билан келади, деб хабар берди Президент матбуот хизмати.
Ташриф доирасида Тошкентда икки давлат раҳбарлари ўртасида юқори даражада музокаралар ўтказилади. Унда Ўзбекистон ва Словакия ўртасидаги кўп қиррали ҳамкорликни янада ривожлантириш масалалари муҳокама этилади.
Музокараларда савдо, инвестиция ва инновация, қишлоқ хўжалиги, саноат, энергетика, туризм каби устувор йўналишларда ҳамкорликни кенгайтиришга алоҳида эътибор қаратилади.
Шунингдек, меҳнат миграцияси, маданий-гуманитар ва таълим соҳаларида ўзаро ҳамкорлик масалалари кўриб чиқилади.
Музокаралар якунида икки томонлама ҳамкорликни ривожлантиришга қаратилган ҳужжатлар имзоланиши кутилмоқда.
Роберт Фицо ташриф доирасида IV Тошкент халқаро инвестиция форумида ҳам иштирок этади. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
