Санкт-Петербург шаҳрининг Красносельский тумани суди ўзбекистонлик Уулу Мавлонкулни ноқонуний миграцияни ташкил этганликда гумон қилиб, ҳибсга олиш ҳақида қарор чиқарди, деб upl.uz хабар берди.
Тергов материалларига кўра, Мавлонкул Россияда қолишни легаллаштириш мақсадида, фуқаро Д. билан тил бириктириб, ўзбекистонлик фуқаро О.ни у билан ёлғон никоҳга киритган. Бу никоҳ 2023 йил 29 март куни расмийлаштирилган.
Фуқаро О. шу асосда вақтинча яшаш учун рухсатнома олган ва у 2026 йил 7 сентябргача амал қилади.
Мавлонкул 2025 йил 11 июнь куни қўлга олинди ва эртаси куни унга расман айб эълон қилинди. Сўроқ вақтида у жавоб беришдан бош тортди ва уй қамоғига жойлаштиришни сўради, аммо суд уни қамоққа олишга қарор қилди. У 4 августгача ҳибсда қолади. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
