2025 йил 30 май куни Тошкент шаҳри Миробод туманида 11 ёшли қиз электр токи уриши оқибатида вафот этди, деб gazeta.uz хабар берди. Пойтахт Ички ишлар бош бошқармаси матбуот хизмати маълумот беришича, қизча укасининг ўйинчоғини тушириш мақсадида дўкон томига чиққан.
Ҳодиса тахминан соат 18:00 ларда Амир Темур кўчасидаги савдо дўконларидан бирининг том қисмида содир бўлган. 2014 йилда туғилган Н.А. нарвон ёрдамида дўкон томига чиққан ва тушиш пайтида томга яқин ўтаётган электр симларига тегиб кетган. Токи урган қиз воқеа жойида ҳалок бўлган.
Мазкур ҳолат юзасидан Миробод тумани Ички ишлар органлари фаолиятини мувофиқлаштириш бошқармаси ҳузуридаги Тергов бўлими томонидан Жиноят кодексининг 257-моддаси 2-қисми “а” банди (Одам ўлимига сабаб бўлган меҳнатни муҳофаза қилиш қоидаларини бузиш) билан жиноят иши қўзғатилди. Тергов ҳаракатлари давом этмоқда. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
