Андижонда 64 ёшли эркак профилактика инспекторини пичоқлаб ўлдирди

1 июль куни соат 21:00 атрофида Андижон вилояти Ҳоджаобод туманидаги «Юксалиш» маҳалласида фожиали ҳодиса рўй берди, деб UPL.uz хабар берди.

Қисқа рақамли «102» телефонига келиб тушган чақирув ортидан профилактика инспектори, катта лейтенант А. Абдувалиев воқеа жойига етиб борган. Маълум бўлишича, 1960 йилда туғилган Холбозоров Юнусали Тумарович маст ҳолда бўлиб, оила аъзоларига ошхона пичоғи билан таҳдид қилган.

Инспектор можарони тинч йўл билан ҳал қилишга уринган, аммо Холбозоров унинг кўкрак қисмидан пичоқ билан жароҳатлаган. Биринчи тиббий ёрдам кўрсатилганига қарамай, А. Абдувалиев шифохонага йўлда вафот этган.

Гумонланувчи воқеа жойидан қочиб кетган. Унга нисбатан Ўзбекистон Республикаси Жиноят кодексининг 97-моддаси 2-қисми («Қасддан одам ўлдириш») бўйича жиноят иши қўзғатилган. Бу модда 25 йилгача озодликдан маҳрум этиш ёки умрбод қамоқ жазосини назарда тутади. Жиноятчи қидирувда.

«Замин»ни Telegram’да ўқинг!