Украинада ҳалок бўлган ўзбекистонликлар сони маълум бўлди

11 июль ҳолатига кўра, Украинада давом этаётган махсус ҳарбий амалиёт (СВО) давомида Россия сафида жанг қилган 66 нафар Ўзбекистон фуқароси ҳалок бўлган, деб BBC хабар берди.

Ўзбекистон Россия-Украина можаросида ҳалок бўлган фуқаролар сони бўйича биринчи учликка кирди. Россия армиясида ҳалок бўлган чет элликлар орасида Тожикистон биринчи ўринда – 72 нафар. Иккинчи ўринда Непал (70), учинчида Грузия (63). Украина Россия сафида ҳалок бўлганлар сони бўйича бешинчи ўринни эгаллади.

BBC таъкидлашича, энг кўп йўқотиш Корея Халқ Демократик Республикасида кузатилган бўлиши мумкин, аммо мамлакат расмий статистика олиб бормаяпти. Жанубий Корея разведкаси маълумотига кўра, Россия армияси сафида 600 нафар шимолий кореялик ҳалок бўлган.

Россия Тергов қўмитаси маълумотига кўра, 2025 йил 3 март ҳолатига Украина сафида 3,3 мингга яқин чет эллик ёлланма жангчи қатнашмоқда.

Россия Мудофаа вазирлиги маълумотларига кўра, 2024 йил март ойига қадар Украина сафида жанг қилган 5,9 минг хорижлик ҳалок бўлган. «Замин»ни Telegram’да ўқинг!