19 июль, шанба куни, Uzbekistan Airways авиакомпанияси самолётида бола дунёга келди, деб Kursiv.media хабар берди. Стамбул — Тошкент (HY282) йўналишида парвоз қилаётган самолётда чақалоқ туғилди.
Парвоз вақтида йўловчилардан бирида тўғруқ бошланди. Хушбахтликка, самолётда икки нафар шифокор бор эди.
Uzbekistan Airways матбуот хизмати хабар беришича, борт ходимлари шифокорларга ёрдам кўрсатишда юксак профессионаллик намоён қилган. Самолёт командири эса Урганчга қўнишга қарор қилди. Урганчда янги туғилган чақалоқ ва оиласи шифокорлар томонидан кутиб олинди.
Авиакомпания самолёт командири, борт ходимлари ва шифокорларга миннатдорчилик билдирди.
Бундай ҳодиса йил бошида ҳам кузатилган — Тошкентдан Нью-Йоркка учаётган самолётда туғруқ бўлиб, командир самолётни Исландияга қўндирган ва она ҳамда чақалоқни шифохонага етказишган. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
