Microsoft компанияси томонидан тайёрланган сўнгги тадқиқотда, сунъий интеллект туфайли келажакда йўқолиб кетиши мумкин бўлган 40 та касб рўйхати эълон қилинди. Таржимонлар, консержлар, тарихчилар, географлар, видео муҳаррирлар, веб-дастурчилар ва ҳатто моделлар бу хавф остидаги касблар қаторида қайд этилган.
Ушбу маълумотга кўра, AI технологияси айниқса, маълумотлар билан ишлаш, хизмат кўрсатиш ва коммуникация соҳаларида ишлайдиган мутахассисларга катта таъсир кўрсатиши мумкин. Янги рўйхатда инсоннинг ижодий қобилияти ёки тўғридан-тўғри жисмоний меҳнат талаб қилинадиган касблар нисбатан хавфсиз бўлиб қолмоқда.
Шу билан бирга, Microsoft энг хавфсиз деб топилган 40 та касбни ҳам тақдим этди. Уларнинг орасида ҳамширалар, шина ўрнатувчилар, қурувчилар ва жарроҳлар каби инсон омили муҳим бўлган йўналишлар бор. Демак, келажакда AI технологияси ривожланса-да, инсон меҳнати талаб этиладиган соҳалар ўз аҳамиятини йўқотмайди.
Сиз қайси соҳада ишлайсиз? Айтишингизча, касбингиз сунъий интеллект таъсирида ўзгарадими?
