Ўзбекистонда айрим шахслар учун мамлакатдан чиқиш вақтинча чекланиши мумкин. Бу қоида қамоққа олинмаган, аммо суддан яшириниши мумкин бўлган гумонланувчи, айбланувчи ёки судланувчиларга тааллуқли. Бу ҳақдаги янги қонунчилик ўзгаришлари кучга кирди.
Янги тартибга кўра, агар шахс суд жараёнидан узрли сабабсиз қочиши мумкин деган асослар мавжуд бўлса, суд унинг четга чиқиш ҳуқуқини вақтинча чеклаши мумкин. Бу чеклов шахс ҳибсда бўлмаса ҳам қўлланиши мумкин. Прокурор, терговчи ёки суриштирувчи тегишли илтимоснома киритади.
Суд илтимосномани келиб тушганидан 8 соат ичида ёпиқ мажлисда кўриб чиқиши шарт. Шундан сўнг четга чиқиш ҳуқуқини вақтинча чеклаш ёки рад этиш ҳақида қарор чиқаради. Ушбу қарор устидан 48 соат ичида шикоят ёки протест бериш мумкин.
“Zamin”ни Telegram'да ўқинг!
