23 август куни эрталаб, Тошкент шаҳри Миробод туманида жамоатчиликни ҳайратга солган ноодатий ҳолат қайд этилди. Тахминан соат 04:30 атрофида 45 ёшлар чамасидаги эркак фуқаро тўлиқ яланғоч ҳолда кўча бўйлаб ҳаракатланаётгани гувоҳлар томонидан тасвирга олинди ва бу ҳолат ижтимоий тармоқларда кенг муҳокамаларга сабаб бўлди.
Ҳуқуқни муҳофаза қилувчи органлар ходимлари томонидан фуқаро тўхтатилиб, шахси аниқланди. Маълум бўлишича, ушбу шахс аввал ҳам руҳий-асаб тизимига оид хасталиклар билан рўйхатда турган ҳамда мутахассислар назоратида даволанган. Унинг ушбу ҳолати вақтидаги ҳаракатлари айнан касаллик аломатлари билан боғлиқ бўлиши мумкинлиги тахмин қилинмоқда.
Воқеа юзасидан мутасадди ташкилотлар тезкор чора кўриб, фуқарони тиббий кўрикдан ўтказди ва уни янада чуқурроқ текшириш ҳамда даволаш мақсадида махсус руҳий касалликлар шифохонасига ётқизди. Мутахассислар фуқаронинг умумий ҳолати, соғлиғи ва жамоат хавфсизлиги учун потенциал хатар даражасини баҳолашмоқда.
Бундай вазиятлар фуқароларда қўрқув ва хавотир уйғотиши табиий. Шу боис, аҳоли ўртасида бундай ҳолатларда қандай йўл тутиш кераклиги ҳақида тушунтириш ишларини кучайтириш, жамоат хавфсизлигини таъминлаш мақсадида тегишли идоралар ҳамкорлигида комплекс чоралар кўрилмоқда.
Мутасаддилар ушбу шахсни тиббий жиҳатдан мунтазам кузатиш кераклигини таъкидлаб, аҳолини ҳушёр ва мулоҳазали бўлишга чақирмоқда.
«Замин»ни Telegram’да ўқинг!
