Тошкентда атмосферага зарар етказган 154 шахс жазоланди

1 дақиқа ўқиш296
Тошкентда атмосферага зарар етказган 154 шахс жазоланди

Жорий йилнинг январь–август ойлари давомида Тошкент шаҳрида атмосферага зарар етказувчи корхоналар, иссиқхоналар ва бошқа объектлар фаолияти синчковлик билан ўрганилди. Экология, атроф-муҳитни муҳофаза қилиш ва иқлим ўзгариши вазирлигининг расмий хабарига кўра, бу муддат ичида жами 1452 та объект хатловдан ўтказилди.

Текширишлар жараёнида 174 та тунги рейд тадбирлари амалга оширилди. Уларнинг давомида 281 та қонунбузарлик ҳолати аниқланди. Шулардан 179 тасида қоидабузарликлар дарҳол бартараф этилди. Шунингдек, 154 нафар шахсга нисбатан маъмурий баённома расмийлаштирилиб, тегишли жазо чоралари қўлланилди. Айрим ҳолатларда 20 та объект фаолиятини вақтинча тўхтатиш ҳақида судга ариза киритилди.

Вазирлик маълумотларига кўра, атмосферага салбий таъсир кўрсатиши мумкин бўлган бир қатор объектларга замонавий жиҳозлар ўрнатилди. Хусусан, 11 та янги қозон, 19 та фильтр ҳамда 12 та чанг тозалаш ускуналари фойдаланишга топширилди.

Шунингдек, ҳар йили икки босқичда ўтказиладиган “Тоза ҳаво” ойлигининг биринчи босқичи жорий йилнинг 10 апрелидан 10 майига қадар ўтказилди. Унда Тошкент шаҳридаги 40 050 та автотранспорт воситаси текширилди. Натижада 586 та ҳолатда меъёрдан ортиқ зарарли газ чиқарилаётгани аниқланди. Ҳар бир ҳолат бўйича зарур чоралар кўрилди ва камчиликлар бартараф этилди. Шу орқали атмосферага 4,7 минг тонна зарарли моддалар чиқишига йўл қўйилмади.

Айни пайтда пойтахтда “Тоза ҳаво” ойлигининг иккинчи босқичи ўтказилаётгани маълум қилинди. У 10 сентябрдан 10 октябрга қадар давом этади. Бу чора-тадбирлар орқали ҳаво тозалигини таъминлаш, инсон саломатлигига хавф туғдирувчи омилларни камайтириш ва экология мувозанатини барқарорлаштириш кўзда тутилган.

Шу билан бирга, саноат корхоналари, ижтимоий соҳа объектлари ва иссиқхоналардан чиқадиган зарарли ташламаларни камайтириш мақсадида пойтахтда 12 та ҳудудий ишчи гуруҳ тузилди. Уларнинг таркибига вазирлик ва тегишли идоралардан 150 нафардан ортиқ малакали мутахассис жалб қилинди.

Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?