Фарғона вилоятида туман газ таъминоти бўлими раҳбари пора олаётганда қўлга олинди. Бу ҳақда ДХХ ва Бош прокуратура ҳузуридаги Департамент маълум қилди.
Маълум бўлишича, у ўз мансаб ваколатидан суиистеъмол қилиб, 10 та хонадонни юқори босимли табиий газ тармоғига улаб бериш учун ҳар биридан 1000 АҚШ долларидан, жами 10 000 доллар талаб қилган.
Тезкор тадбир чоғида у сўралган пул маблағини таниши орқали олган вақтда ашёвий далиллар билан ушланган.
Аниқланишича, мазкур раҳбар илгари ҳам судланган бўлган, аммо хатосидан тўғри хулоса чиқармаган.
Ҳозирда унга нисбатан Жиноят кодексининг 210-моддаси 2-қисми “в” банди бўйича иш қўзғатилди. Айбланувчига нисбатан қамоқ эҳтиёт чораси қўлланиб, тергов ҳаракатлари давом этмоқда.
«Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг
Мавзуга оид янгиликлар
