Тошкентда икки автобус ва “Оnix” иштирокида ЙТҲ юз берди
Тошкентнинг Мирзо Улуғбек туманида икки автобус ва “Оних” иштирокида йўл-транспорт ҳодисаси юз берди. 25-сентябр куни соат 10:10 ларда “Кинг Лонг” русумли 63-сонли автобус оралиқ масофани сақламагани сабаб “Ютонг” русумли 151-сонли автобусга урилган, у эса “Оних” автомашинасига бориб теккан. Ҳодисада 63-сонли автобуснинг 46 ёшли йўловчиси стресс ҳолатига тушиб, тиббиёт муассасасига етказилган ва унга биринчи ёрдам кўрсатилган.
Тошкент шаҳрида икки автобус ва “Оnix” автомашинаси иштирокида йўл-транспорт ҳодисаси рўй берди. Бу ҳақда “Toshshahartransxizmat” матбуот хизмати хабар қилди.
Ҳодиса 25-сентябр куни соат 10:10 ларда Мирзо Улуғбек тумани, Мирзо Улуғбек кўчасида содир бўлган. Маълумотларга кўра, “King Long” русумли 63-сонли автобус олдида ҳаракатланаётган “Yutong” русумли 151-сонли автобуснинг орқа қисмига бориб урилган. Сабаб — ҳайдовчи оралиқ масофани сақламаган.
“Yutong” автобуси эса зарба таъсирида ўзидан олдин ҳаракатланаётган “Оnix” енгил машинасига бориб урилган. Натижада, 63-сонли автобуснинг 46 ёшли йўловчиси қўрқиб стресс ҳолатига тушган ва тиббиёт муассасасига етказилган. У ерда унга биринчи ёрдам кўрсатилган.
Тўқнашув оқибатида ҳар иккала автобус техник жиҳатдан шикастланган. Ҳодиса бўйича Тошкент шаҳар ИИББ ЙҲХБ ходимлари томонидан расмий тартибда ҳужжатлар расмийлаштирилган.
Изоҳлар 0
…