Юк машинаси белгига амал қилмай кўприкка тўқнашди
Тошкент вилояти Зангиота туманида 26 сентябр куни соат 19:00 ларда юк машинаси тақиқловчи белгига амал қилмай, кўприкнинг пиёдалар қисмидаги бетон тўсиққа урилди. Ҳодиса оқибатида пиёдалар учун ажратилган қисм шикастланган, бироқ йўл ҳаракати иштирокчилари ва автомобиллар ҳаракатланадиган кўприк қисмига зарар етмаган. ЙҲХХ ходимлари вазиятни бартараф этиб, йўл ҳаракатини тўлиқ тиклаган, шикастланган жойни таъмирлаш ишлари давом этмоқда.
Тошкент вилояти Зангиота туманида юк машинаси кўприкка бориб урилди. Бу ҳақда вилоят Йўл ҳаракати хавфсизлиги бошқармаси маълум қилди.
Маълумотларга кўра, 26 сентябр куни соат 19:00 ларда ҳайдовчи тақиқловчи белгини эътиборсиз қолдириб, габарит ўлчами мос келмаган транспорт воситасида кўприкнинг пиёдалар учун мўлжалланган қисмига ўрнатилган бетон тўсиққа тўқнашган.
Ҳодисадан сўнг ЙҲХХ ходимлари воқеа жойига етиб бориб, вазиятни бартараф этди. Йўл ҳаракати иштирокчиларига ва автомобиллар ҳаракатланиши учун мўлжалланган кўприк қисмига зиён етмаган. Бироқ пиёдалар учун ажратилган қисми шикастланган.
Ҳозирда шикастланган жойни таъмирлаш ишлари амалга оширилмоқда ва йўл ҳаракати тўлиқ тикланган. Ҳолат юзасидан Зангиота тумани ИИБ ЙҲХБ томонидан суриштирув олиб борилмоқда.
Изоҳлар 0
…