29-сентябрь куни бўлиб ўтиши режалаштирилган Мубашшир Аҳмад (Алишер Турсунов) иши бўйича суд мажлиси яна кейинга қолдирилди. Тошкент шаҳар судлари матбуот хизмати суд санаси 2-октябрь, 16:00 га кўчирилганини тасдиқлади, аммо расмий сабаб очиқланмади, деб ёзади UZ24.uz.
Ҳимоячи Абдуллоҳ Содиқга кўра, расмийлар бу кечикишни судьянинг касаллиги билан изоҳлаган.
Эслатиб ўтамиз, бунгача ҳам 22-сентабрга белгиланган мажлис бошқа суд иши сабабли 29-сентабрга сурилганди.
Давлат айбловчиси Турсуновни ЖКнинг 156-, 244−1- ва 244−3-моддалари бўйича айбдор деб топиб, унга 7 йил қамоқ жазоси ва 150 баравар БҲМ миқдорида жарима белгилашни сўраган.
Ҳимоя томони ва мустақил адвокатлар эса айрим моддаларни олиб ташлаш ва қолганини ЖКнинг 70-моддаси асосида бекор қилишни талаб қилган.
Дастлаб, айбланувчининг сўнгги сўзи ва ҳукм 22 ёки 29-сентабрда эълон қилиниши керак эди. Эндиликда суд 2-октабрда давом этади.
“Zamin”ни Telegram'да ўқинг!
