Трейдер 2 млн доллар йўқотди, Binance унга 0.26 доллар берди

X (Twitter) ижтимоий тармоғида тарқалган маълумотларга кўра, Хитойлик крипто-трейдер бозор қулаши натижасида 2 миллион доллардан ортиқ маблағини йўқотган, деб хабар берди фойдаланувчилар.

Ушбу катта йўқотишга қарамай, Binance платформаси унга атиги 0.26 доллар миқдорида компенсация тақдим этган. Трейдер буни скриншот орқали тасдиқлаган ва ижтимоий тармоқда эълон қилган.

Фойдаланувчилар бу ҳолатни кескин танқид қилиб, “энг юқори даражадаги компенсация” деб истеҳзо билан баҳолашмоқда. Кўплаб изоҳларда платформанинг шаффофлиги ва муносабати савол остига қўйилган.