Соғлиқни сақлаш вазири Асилбек Худаяров 14 октябрь куни Президент раҳбарлигидаги селектор йиғилиши ортидан “Ўзбекистон 24” телеканалига берган интервьюсида 2025 йил бошидан бери 15−17 ёшдаги 155 нафар қизнинг эрта турмушга чиққанини маълум қилди, деб хабар берди UZ24.uz сайти.
Вазирга кўра, Президент ёшлар, айниқса қизлар ўртасидаги эрта никоҳлар ҳақида танқидий фикрлар билдирган. Шунингдек, қариндош-уруғлар ўртасидаги никоҳлар ҳамон учраётгани таъкидланган.
Вазирнинг айтишича, бу ҳолатлар ногирон фарзандларнинг туғилиш хавфини оширади. Шу билан бирга, бир календарь йили ичида икки марта ҳомиладор бўлиш, саломатлиги заиф, нимжон болалар туғилиши ҳолатларига сабаб бўлаётгани ҳам қайд этилган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
