Тошкент вилояти, Оҳангарон туманида 16 октябрь куни манзил колониясидан қочган 1994 йилда туғилган маҳкум мактабдан қайтаётган 3‑синф ўқувчисини зўрлаган, деб Uz24 хабар берди.
Вилоят ИИББ маълумотни тасдиқлади ва ҳозирда жиноят иши бўйича тергов ҳаракатлари олиб борилмоқда.
Маълум бўлишича, 31 ёшли маҳкумга нисбатан Жиноят кодексининг 119‑моддаси 4‑қисми (жинсий эҳтиёжни зўрлик ишлатиб ғайритабиий усулда қондириш) бўйича жиноят иши қўзғатилган.
Ушбу шахс ҳуқуқни муҳофаза қилувчи органлар томонидан процессуал тартибда ушланган ва унга нисбатан “қамоқ” эҳтиёт чораси қўлланилган.
Маълумотларга кўра, маҳкум аввал ҳам жинсий жиноят учун судланган — у 2018 йилда Фарғона вилоятида Жиноят кодексининг 118‑моддаси (номусга тегиш) бўйича 16 йилга озодликдан маҳрум этилган.
2024 йилда суд қарори билан жазонинг қолган 9 йил 2 ой қисмини ўташ учун манзил колониясига ўтказилган, аммо у ердан қочиб кетган.
Қонунга кўра, 14 ёшга тўлмаган шахсга нисбатан жинсий зўрлик ишлатиш жинояти учун 15 йилдан 20 йилгача озодликдан маҳрум қилиш жазоси белгиланган.
“Zamin”ни Telegram'да ўқинг!
