Тошкент вилояти Янгийўл туманида яшовчи, 2005 йилда туғилган фуқаро (инициали И.Ю.) арзон iPhone сотиш баҳонасида одамларни алдаб келгани фош бўлди, деб хабар берди Tashkent Today.
Терговга кўра, у OLX платформасида сохта эълонлар жойлаштирган ва Telegram’да аёллар исмларида 10 га яқин сохта аккаунт очган. У турли шахслар номидан чиқиб, одамлардан арзон iPhone сотиш баҳонасида олдиндан тўлов олган ва кейин алоқани узган.
Унинг ушбу усул билан Нурафшон, Оҳангарон, Ўртачирчиқ, Юқоричирчиқ, Бука, Қибрай ва Тошкент туманларида саккизта ўхшаш жиноят содир этгани аниқланган. Жабрланувчилар оддий одамлар бўлиб, арзон гаджет олиш ниятида бўлган. Етказилган зарар эса катта миқдорда деб баҳоланмоқда.
Мазкур ҳолат юзасидан Ўзбекистон Республикаси ЖКнинг 168-моддаси 3-қисми "б" ва "г" бандлари (такроран ёки электрон воситалар орқали амалга оширилган йирик миқдордаги фирибгарлик) билан жиноят иши қўзғатилган.
“Zamin”ни Telegram'да ўқинг!
