Самарқанд вилоятининг Ургут туманида жойлашган 112-умумтаълим мактаби ўқитувчиси маст эркак томонидан калтаклангани аниқланди.
Маълумотларга кўра, воқеа 27-октябрь куни содир бўлган. Мактаб раҳбарияти ҳолат ҳақида дарҳол туман ички ишлар бўлимига хабар берган. Жабрланган ўқитувчи эса тиббиёт бирлашмасига етказилиб, унга зарур тиббий ёрдам кўрсатилган.
Вилоят Мактабгача ва мактаб таълими бошқармаси вакиллари ҳолатни назоратга олганини, ўқитувчининг аҳволи барқарор эканини маълум қилди.
“Мазкур воқеа бўйича ҳуқуқни муҳофаза қилувчи органлар томонидан суриштирув ишлари олиб борилмоқда”, — дейилади бошқарма баёнотида.
Мутасаддилар таъкидлаганидек, таълим муассасалари ҳудудида бундай зўравонлик ҳолатларига мутлақо йўл қўйилмайди, айбдор шахс қонун доирасида жавобгарликка тортилади.
Меҳмон гуруҳидаги фойдаланувчилар ушбу мақолага изоҳ қолдира олмайди.
