Фарғона вилоятининг Ёзёвон туманида жамоат орасида катта муҳокамага сабаб бўлган воқеа рўй берди — Мажбурий ижро бюроси (МИБ) ходимлари яна бир келиннинг 59 турдаги сэп буюмларини қайтариб берди.
Туман аҳли бу воқеани ҳали ҳам гапириб юрибди: “Фалончи келиннинг сэпини ижрочилар келиб олиб кетишди”, — деган гаплар ҳар бир хонадонда эшитилмоқда.
Ҳодиса эса шундай бошланган: қизни ва йигитни муҳаббат боғлаган, аммо улар никоҳсиз биргаликда яшай бошлаган. Бир неча ойдан сўнг муносабатлар издан чиқиб, тортишув, жанжал, ҳатто муштлашувгача борган. Қайнота аралашгач, иш янада мураккаблашган.
Қизнинг яқинлари уни уйига олиб кетишган, кейин эса “сэп” масаласи кўтарилган. Қудалар ўртасида келишув бўлмаган:
— “Тўйга харажат қилганмиз, шу сэпни сотиб, пулни қайтардик”, — деган йигит томони.
— “Бу менинг ҳақим, суд ҳал қилсин”, — деган келин томони.
Суд барча далилларни ўрганиб, келиннинг сэп буюмларини қайтариш ҳақида қарор чиқарган. Ушбу қарор ижроси учун МИБ Ёзёвон тумани бўлимига юборилган.
Бир неча бор огоҳлантириш берилганига қарамай, йигит томони сэпни қайтаришни рад этган. Шундан сўнг давлат ижрочилари ишга киришган ва қонун устуворлиги таъминланган — келин ўз ҳақ-ҳуқуқини қўлга киритган.
Ҳодиса бир гапни яна бир бор исботлади: сэп — муҳаббатнинг ўлчови эмас, қонун олдида ҳар кимнинг ҳақи тенг.
“Zamin”ни Telegram'да ўқинг!
