Тиббиёт бирлашмасидан фуқарога зарар ундириб берилди

Фуқаронинг ҳаёти, соғлиги, шаъни ва обрўсига етказилган зарарнинг ўрнини қоплаш тўғрисида суд қарор қабул қилган.

Маълум бўлишича, фуқаролик ишлари бўйича Хоразм вилояти судининг қарорига асосан жавобгар Хонқа тумани тиббиёт бирлашмасидан даъвогар С.Б. фойдасига жиноят оқибатида етказилган моддий ва маънавий зарар ундириш белгиланган.

Бош прокуратура ҳузуридаги Мажбурий ижро бюросининг Хонқа тумани бўлими давлат ижрочилари томонидан суд қарори ижросини таъминлаш мақсадида олиб борилган ижро ҳаракатлари натижасида Хонқа тумани тиббиёт бирлашмасидан жиноят оқибатида етказилган жами 378,7 миллион сўм моддий ва маънавий зарар ундирилган ва маблағ фуқаро С.Б.нинг банк пластик картасига ўтказилиши таъминланган.