Жорий йил 15 февраль куни соат 18:00 ларда Тошкент шаҳри Чилонзор тумани ҳудудида йўл-транспорт ҳодисаси содир бўлди. Маълумотларга кўра, ТХАЙ–Чорбоғ кўчалари кесишган чорраҳада юк автомобили бир йўналишда ҳаракатланаётган велосипедни уриб юборган.
Қайд этилишича, 1969 йилда туғилган Ю.А. бошқарувидаги HOWO русумли юк автомобили 2004 йилда туғилган А.И. бошқарувидаги велосипед билан тўқнашган. Ҳодиса оқибатида велосипед ҳайдовчиси олган тан жароҳатлари туфайли вафот этган.
Мазкур ҳолат юзасидан Тошкент шаҳар ИИББ Тергов бошқармаси томонидан Жиноят кодексининг 266-моддаси 2-қисми билан жиноят иши қўзғатилди. Айни вақтда тергов ҳаракатлари олиб борилмоқда. Ҳаёт жуда тез ўтиб кетади — шунинг учун йўлда ҳар бир ҳаракат, ҳар бир сония эҳтиёткорлик талаб қилади.
“Zamin”ни Telegram'да ўқинг!
