Мажбурий ижро бюросининг Бешариқ тумани бўлими иш юритувида “БР” МЧЖдан Давлат солиқ инспекцияси фойдасига 6 миллиард сўм ундириш билан боғлиқ ижро ҳужжати мавжуд.
Ижро ҳаракатлари давомида қарздор корхона балансида бўлган “Nexia-3” русумли автомобиль (давлат рақами 40 129*) қидирувга берилган эди. Мазкур транспорт воситаси қарздорликни ундириш жараёнида муҳим мол-мулк сифатида кўрилган.
Ўтказилган тезкор тадбирлар натижасида мазкур автомобиль эгаси томонидан ҳийла ишлатилгани маълум бўлди. Аниқланишича, автомобилнинг давлат рақами ноқонуний тарзда *40 732 га алмаштирилган ва транспорт воситаси шу рақам билан йўлларда ҳаракатланиб юрган.
Мажбурий ижро бюроси ходимлари томонидан олиб борилган текширувлар давомида ушбу автомобиль тўхтатилиб, белгиланган тартибда жарима майдонига жойлаштирилди.
Ҳозирда мазкур ҳолат юзасидан қонунчиликка мувофиқ тегишли чоралар кўрилмоқда. Ижро жараёнлари эса давом эттирилмоқда.
“Zamin”ни Telegram'да ўқинг!
