Тошкент вилояти, Тошкент туманида истиқомат қилувчи Одилжон ва Севара Абдуллаевалар оиласида энг муҳташам ҳодиса содир бўлди: улар бир вақтда тўрт эгизак дунёга келтиришди. Бу оила аввалдан 2 ёшли қизалоқ тарбиялаётган эди ва эндиликда уларнинг оиласи жами 5 нафар фарзанд билан тўлди.
ССВ матбуот хизмати хабар беришича, чақалоқлар Республика перинатал марказида муддатидан олдин кесарча амалиёти орқали туғилди.
Чақалоқлар ҳақидаги маълумотлар қуйидагича:
- Биринчиси — ўғил бола, вазни 1412 грамм, бўйи 37 см;
- Иккинчиси — қизалоқ, вазни 1624 грамм, бўйи 37 см;
- Учинчиси — қизалоқ, вазни 1466 грамм, бўйи 37 см;
- Тўртинчиси — ўғил бола, вазни 1780 грамм, бўйи 38 см.
Айни пайтда барча чақалоқлар тиббий муассасада халқаро тиббий протоколлар асосида парваришланмоқда, уларнинг соғлиги ва ривожланиши доимий назоратда турибди.
Бу воқеа нафақат оила учун, балки Тошкент вилояти аҳолиси учун ҳам ҳақиқий қувонч ва муборак янгилик бўлиб хизмат қилмоқда.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
