Тошкент шаҳрида йўл ҳаракати қоидаларини қўпол равишда бузган 3 нафар йигитга нисбатан тегишли чоралар кўрилди. Маълумотларга кўра, улар ҳайдовчилик гувоҳномасиз, давлат рақамисиз ҳамда махсус милтилловчи чироқлар ўрнатилган автомобилда ҳаракатланган.
Ҳолат давомида йигитлар қарама-қарши йўналишга чиқиб, йўлда хавфли вазиятлар юзага келтирган. Шундан сўнг ҳуқуқ-тартибот органлари томонидан улар тўхтатилиб, қоидабузарликлар юзасидан тегишли чоралар кўрилган.
Аниқланишича, ушбу шахслардан икки нафари 5 суткадан маъмурий қамоқ жазосига ҳукм қилинган. Яна бирига эса 1 миллион 236 минг сўм миқдорида жарима қўлланилган.
Бундан ташқари, автомобиль эгасига ҳам жазо белгиланди. У транспорт воситасини ҳайдовчилик ҳуқуқига эга бўлмаган шахсга бергани учун 2 миллион 60 минг сўм миқдорида жаримага тортилди. Мутахассислар йўл ҳаракати қоидаларига амал қилмаслик жиддий оқибатларга олиб келишини яна бир бор эслатмоқда.
“Zamin”ни Telegram'да ўқинг!
