Бухоро шаҳрида истиқомат қилувчи фуқаро ўз тасарруфидаги “Chery” русумли автомобилда йўл ҳаракати қоидасини бузиб, йўл-транспорт ҳодисасига сабаб бўлган.
Бухоро вилояти Ички ишлар бошқармаси маълумотига кўра, воқеа 15 апрель куни тахминан соат 20:50 атрофида содир бўлган.
Олиб борилган дастлабки текширув ва суриштирув ишлари давомида ҳайдовчи транспорт воситасини алкоголь ичимлик таъсири остида бошқаргани аниқланган.
Қайд этилишича, унинг мастлик ҳолати белгиланган тартиб-қоидаларга мувофиқ расмий равишда қайд этилган ва ҳужжатлаштирилган.
Ҳозирги вақтда ушбу ҳолат юзасидан терговга қадар текширув ишлари давом этмоқда, барча ҳолатлар ҳуқуқий жиҳатдан ўрганилмоқда.
Таҳлиллар давом этар экан, яна бир нарса аниқ: рулдаги эътиборсизлик ва алкоголь — ҳар доим хавфли комбинация.
“Zamin”ни Telegram'да ўқинг!
