Кези келганда алимент пулларини қарздорнинг қариндошлари тўламоқда

Барчамизга маълумки, фарзандларга моддий ёрдам кўрсатишни рад этиш бола ҳуқуқларининг бузилиши ҳисобланади. Албатта, ҳар бир инсон у ёки бу вазиятда қандай йўл тутишни ўзи танлайди. Бироқ, танланган йўл боланинг юзидаги табассуми ва қувончидан маҳрум қилмаслиги лозим.

Афсуски, бугунги кунда алимент пулларини ўз вақтида тўламасдан, фарзандларини моддий таъминлашдан бўйин товлаб келаётган фуқаролар ҳақида тез-тез эшитиб турамиз.

Мажбурий ижро бюросининг Навоий вилоят бошқармаси Қидирув шўъбаси ҳамда ҳудудий бўлимлар томонидан олиб борилган тарғибот тадбирлари давомида алимент қарздорларнинг хорижий давлатларда эканлиги аниқланди.

Олиб борилган тушунтириш ва профилактик тадбирлар давомида Бюронинг Хатирчи туман бўлими иш юритувида бўлган қарздор Қ.Н. Россия давлатида бўлганлиги сабабли онаси томонидан 51 млн 134 минг сўм ҳамда Навбаҳор туман бўлими иш юритувида бўлган қарздор Р.Р. Россия давлатида бўлганлиги сабабли унинг яқин қариндошлари томонидан 81 млн. 531 минг сўм алимент пуллари тўлиқ тўлаб берилди.

Shuhrat Razzakov

«ZAMIN.UZ» муҳаррири

+ Zamin.uz сайтини Googleга қўшинг