Андижонда "Ҳаж" зиёрати учун 18 минг доллар талаб қилган фирибгар фош этилди
Андижон вилоятида икки фуқарони «Ҳаж» зиёратига юборишни ваъда қилиб, эвазига 18 минг доллар талаб қилган фирибгар қўлга олинди. Бош прокуратура ҳузуридаги Департамент ва бошқа идоралар томонидан ўтказилган тезкор тадбирда фуқаро М.Ч. сўралган маблағнинг ярмини олаётган вақтида ашёвий далиллар билан ушланган. Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, ҳозирда тергов ҳаракатлари олиб борилмоқда.
Андижон вилоятида "Ҳаж" зиёратини ташкил қилиб беришни ваъда қилган шахс ҳуқуқни муҳофаза қилувчи органлар томонидан қўлга олинди.
Бош прокуратура ҳузуридаги Департамент ҳамда бошқа идоралар ходимлари ҳамкорлигида ўтказилган тезкор тадбир давомида мазкур ҳолат фош этилди.
Маълум бўлишича, фуқаро М.Ч. икки нафар шахсни Саудия Арабистонига ҳаж сафарига юборишини айтган ва бу хизмат учун 18 минг АҚШ доллари талаб қилган.
У келишилган маблағнинг ярми — 9 минг долларини олган пайтда ашёвий далиллар билан ушланган.
Ҳолат юзасидан унга нисбатан Жиноят кодексининг 168-моддаси (фирибгарлик) асосида жиноят иши қўзғатилиб, тергов ишлари давом эттирилмоқда.
Изоҳлар 0
…