Тошкент вилоятида ФВБ раҳбари 63 минг доллар пора билан ушланди
Тошкент вилояти фавқулодда вазиятлар тизимидаги мансабдор шахс 63 минг АҚШ доллари миқдорида пора талаб қилганликда гумонланиб қўлга олинди. У тадбиркорга 5,04 миллиард сўмлик қурилиш лойиҳаларини ўз алоқалари орқали ҳал қилиб беришни ваъда қилган. Давлат хавфсизлик хизмати ва Департамент томонидан ўтказилган тезкор тадбирда гумонланувчи маблағнинг навбатдаги қисми — 25 минг долларни олаётган вақтида ушланди. Ҳозирда мазкур ҳолат юзасидан жиноят иши қўзғатилиб, мансабдорга нисбатан қамоқ эҳтиёт чораси қўлланилган.
Тошкент вилоятида фавқулодда вазиятлар тизимига алоқадор мансабдор шахс пора билан қўлга олинди.
Маълумотларга кўра, у туманда амалга оширилиши режалаштирилган қурилиш ишлари бўйича тадбиркорга ёрдам беришини айтиб, катта миқдорда пул талаб қилган.
Хусусан, 5,04 миллиард сўмлик лойиҳаларни ўз алоқалари орқали ҳал қилиб беришини билдириб, масъул шахс МЧЖ раҳбаридан 63 минг АҚШ доллари сўраган.
Аниқланишича, у 2026 йил март–апрель ойларида ушбу маблағнинг 24 минг долларини олган ва қолган қисмини ҳам талаб қилишда давом этган.
Давлат хавфсизлик хизмати ва Бош прокуратура ҳузуридаги Департамент ҳамкорлигида ўтказилган тезкор тадбирда мансабдор яна 25 минг долларни олаётган пайтида ушланган.
Ҳозирда мазкур ҳолат юзасидан жиноят иши қўзғатилиб, гумонланувчига нисбатан қамоқ эҳтиёт чораси қўлланган.
Изоҳлар 0
…