Бухорода 1 тоннага яқин спирт ноқонуний сотилгани фош этилди
Бухоро вилоятининг Жондор туманида 1 115 литр этил спиртини ноқонуний сотиш билан шуғулланган тадбиркор ва унинг шериги фош этилди. Умумий қиймати 72 миллион сўмлик ушбу маҳсулотлар тегишли лицензиясиз бюджет ташкилотларига, жумладан, тиббиёт бирлашмасига етказиб берилган. Мазкур ҳолат юзасидан Бош прокуратура ҳузуридаги Департамент томонидан жиноят иши қўзғатилди. Ҳозирда ҳолат бўйича тергов ҳаракатлари олиб борилмоқда.
Бухоро вилоятида катта миқдорда этил спиртининг ноқонуний савдоси фош этилди.
Бош прокуратура ҳузуридаги Департамент маълумотига кўра, Жондор туманидаги якка тартибдаги тадбиркор ва яна бир фуқаро ўзаро келишган ҳолда қонунга зид фаолият юритган.
Аниқланишича, улар лицензия ва тегишли ҳужжатларсиз 1 115 литр этил спиртини сотиш билан шуғулланган.
Мазкур маҳсулотларнинг умумий қиймати 72 миллион сўмни ташкил этган.
Текширув давомида спирт биржа савдолари орқали Олот тумани тиббиёт бирлашмаси ва бошқа бюджет ташкилотларига пул ўтказиш йўли билан етказиб берилгани маълум бўлган.
Ҳолат юзасидан Жиноят кодексининг тегишли моддаси асосида жиноят иши қўзғатилиб, ҳозирда тергов ҳаракатлари олиб борилмоқда.
Изоҳлар 0
…